જેનું સમગ્ર જીવન જ સંદેશરૂપ હતું એવા મહાન સંન્યાસી સ્વામી વિવેકાનંદના જન્મજયંતીના પાવન અવસરે શાર્દુલ પરિવાર દ્વારા ભાવપૂર્ણ કાર્યક્રમનું આયોજન કરવામાં આવ્યું. ખુલ્લા પ્રાકૃતિક વાતાવરણમાં છાવાની માતાઓ અને ભૂલકાઓએ મળીને વિવિધ પ્રસ્તુતિઓ દ્વારા સ્વામીજીના વિચારો, જીવનમૂલ્યો અને ભારતના ગૌરવને જીવંત બનાવ્યા. બાળકોના નિર્દોષ અભિનય, ગીતો અને સર્જનાત્મક પ્રવૃત્તિઓએ સમગ્ર વાતાવરણને આનંદમય અને પ્રેરણાદાયી બનાવી દીધું.